作词 : 扎西巴登
作曲 : 扎西巴登
编曲 : 扎西巴登/极地音符发布
ཁ་པར་ནང་གི་བརྩེ་བ།
གཞས་ཚིག བཀྲ་ཤིས་དཔལ་ལྡན།
གཞས་གདངས བཀྲ་ཤིས་དཔལ་ལྡན།
གཞས་པ བཀྲ་ཤིས་དཔལ་ལྡན།
ཡིག་བསྒྱུར། མཐོ་སྒང་གི་དབྱངས་རྟ།
ཁ་པར་ཅིག་གཏོང་གཉིས་གཏོང་།
སྒོར་མོ་ཅིག་ཟད་གཉིས་ཟད་།
ཁྱོད་ལ་བརྩེ་བའི་སེམས་པ།
སྒོར་མོ་ཟད་རོག་ཡིན་འདུག།
ཁྱོད་ལ་བརྩེ་བའི་སེམས་པ།
སྒོར་མོ་ཟད་རོགས་ཡིན་འདུག།
འཕྲིན་ཆུང་གཅིག་བསྐུར་གཉིས་བསྐུར།
འཕྲིན་ལན་གཅིག་མེད་གཉིས་མེད་།
ཁྱོད་ལ་བརྩེ་བའི་འཕྲིན་འདི་།
སེམས་པ་སྐྱོ་རོགས་ཡིན་འདུག།
ཁྱོད་ལ་བརྩེ་བའི་འཕྲིན་འདི་།
སེམས་པ་སྐྱོ་རོགས་ཡིན་འདུག།
སྙིང་གཏམ་གཅིག་བཤད་གཉིས་བཤད་།
གསང་གཏམ་གཅིག་བསྒྲགས་གཉིས་བསྒྲགས།
བཞག་པའི་དམ་བཅའ་རི་མོ།
མི་ཚེ་ཟད་རོགས་ཡིན་འདུག།
བཞག་པའི་དམ་བཅའ་རི་མོ།
མི་ཚེ་ཟད་རོགས་ཡིན་འདུག།
མི་ཚེ་དོན་ལ་བཏང་དུས།
བྱམས་པ་གཅིག་མང་གཉིས་མང་།
བུ་ངའི་བརྩེ་བའི་བྱམས་པ།
ཡིད་སེམས་འཁྲུལ་རོགས་ཡིན་འདུག།
བུ་ངའི་བརྩེ་བའི་བྱམས་པ།
ཡིད་སེམས་འཁྲུལ་རོགས་ཡིན་འདུག།
ཁ་སང་འགྱུར་མེད་དམ་བཅའ།
དེ་རིང་བརྡོ་ལ་བརྡབས་སོང་།
སྙིང་སྡུག་ཚེ་རིང་ལོ་བརྒྱའི།
ཁ་པར་གཏོང་མཚམས་མ་བཞག།
སྒོར་མོ་ཅུང་ཟད་ཡོད་ཀྱང་།
སྙན་མོའི་སྐད་ཆས་འཕྲོག་སོང་།
སྒོར་མོ་ཅུང་ཟད་ཡོད་ཀྱང་།
སྙན་མོའི་སྐད་ཆསའཕྲོག་སོང་།