搜索历史
热门搜索
电影
00:00/00:00
下载地址
https://www.xzmp3.com/down/79b1c8d708e4.mp3
点击复制
作词 : RiTSAR
作曲 : RiTSAR
编曲 : RiTSAR
« يىتىم نالىسى »
VERSE 1 :
مەن ئاددىي ھەم بەخىتلىك بىر ئائىلىدە تۇغۇلغان ،
ئاتا-ئانامنىڭ مېھرىدە خۇشال-خۇرام چوڭ بولغان .
« جىنىم ئوغلۇم »دەپ ئەركىلىتىپ قىلمىغىنى قالمىغان ،
يالغۇز پەرزەنت بولغاچقا مەن بىرنى ئۇرۇپ سالمىغان .
دېھقان ئاتام كەچ كىرگىچە ئېتىزلىقتا ئىشلىگەن ،
قاتتىق ناننى ئانام يەيتى يۇمشاقنى مەن چىشلىگەن .
تاغدەك دادام ئوڭ يىنىمدا ،
باغدەك ئانام سول يىنىمدا ،
مەن ئوتتۇرىدا ئۇلار مېنى قوللۇرۇمدىن يىتىلىگەن .
شوخلۇقۇمدا سۈپۈرگىنى گىتتار قىلىپ چالاتتىم ،
داستىخانغا تاماق كەلسە ئەڭ ئاۋال مەن ئالاتتىم .
ئۆگىنىش نەتىجەم ناچار بولغاچ دائىم ئارقىدا قالاتتىم ،
ساۋاتسىز ئاتا-ئانامنى ئالداش ئەڭ قالتىس تالانتىم !
مەكتەپتىن قايتىپ كېلىپلا دەرۋازىنى قاقاتتىم ،
تاپشۇرۇق ئىشلىمەي كارتون كۆرۈپ مۈشۈكۈمنى باقاتتىم .
كۈپكۈندۈزدە توك ئىسراپ قىلىپ چىراقلارنى ياقاتتىم ،
تۆت كۈندە بىر خوشنىلارنىڭ دەرىزىسىنى چاقاتتىم .
7 ياشلىق تۇغۇلغان كۈنۈمدە : _« باغچىغا كىرىمەن »دەپ تۇرۇۋالدىم ،
دادام : _« ئەتە ئەكىرەي »دىسە كەپسىزلىك قىلىپ ئۇرۇۋالدىم .
ئانام مېنى بەزلىسىمۇ قاپىقىمنى تۈرۈۋالدىم ،
ئۇلارنى ئاخىرى بويسۇندۇردۇم باغچىدا ئويناپ كۈلۈۋالدىم .
كەچ بولغاندا ئالدىدا يۈگۈرەپ بىر دوقمۇشتىن قايرىلدىم ،
مەست بوپ قالغان شوپۇر سەۋەبلىك ئاتا-ئانامدىن ئايرىلدىم .
يۈرەكتە ئۆچمەس داغ قالدۇردى شۇ قېتىملىق قاتناش ۋەقەسى !
ماشىنىنىڭ تورمۇز ئاۋازى ۋە ئاتا-ئانامنىڭ قانلىق پاجىئەسى !
شۇنىڭدىن باشلاپ ئۆزگىرىپ كەتتى« كەۋسەر »دىگەن ئىتىم !
نەگە بارسام چەتكە قېقىپ دىيىشتى مېنى« يىتىم »!
ئاتا-ئانامنىڭ تۇپراق بېشىدا يىغلىدىم نەچچە يۈز قېتىم !
ئاھ … تەلتۆكۈس ئۆزگەرگەنتى مېنىڭ تارىخ بېتىم !!
Hook :
ئاتا-ئاناڭ ھاياتىڭدا ئەڭ ئۇلۇغ قەھرىمانلار ،
يىنىڭدا بولسا ئىللىق تۇيۇلار سوغۇق قىش قەھرىتانلار .
ئۆمرۈڭلار ئۇزۇن بولسۇن مۈكچەيگەن قەدىردانلار ،
ئەتراپىڭغا نەزەر سالساڭ كۆپتۇر بىزدەك سەرگەردانلار .
مانا مەن كوچىدىن كەلگەن جەمىيەتنىڭ بالىسى ،
ئاڭلىغىنىڭلار بىر يىتىمنىڭ ھەسرەتلىك نالىسى .
بۇرۇن ئىدىم مەنمۇ جان ئانامنىڭ يۈرەك پارىسى ،
نەدە بادۇ بۇ ئازابتىن قۇتۇلۇشنىڭ چارىسى .....؟!
VERSE 2 :
كىيىن مېنى شەھەردىكى بىر تۇققىنىمىز بېقىۋالدى ،
لېكىن ئۆگەي ئاپام كۈندە چاياندەك چېقىۋالدى !
2 ئاي چىداپ تاياق دەستىدە ئۇ ئۆيدىنمۇ چىقىپ كەتتىم !
چىملىقتا ئۇخلاپ ، بوتۇلكا تېرىپ جىنىمنىمۇ بىقىپ كەتتىم !
ياز كەلگەندە يېڭى بازاردا توۋلاپ يۈرۈپ پايپاق ساتتىم ،
قىش كەلگەندە دۆڭ مەھەللىدىكى مامۇتكام بىلەن ماتاڭ ساتتىم .
قاسىمكام بىلەن قوغۇن سېتىپ ،
تۇرسۇنكام بىلەن تاۋۇز ساتتىم ،
15 ياشتا شوگۇڭ( 小工 )ئىشلەپ خىش توشۇپ ھەم لاي تارتتىم !
شۇۋاقىتتا دىدىم ئۆزۈمگە : « ياخشى ئاڭلا كەۋسەر !
سەن دىگەن بىر ئوغۇل بالا بولۇشۇڭ كېرەك قەيسەر !
تەنھا يىتىم بوپ قالساڭمۇ چىقىش يولۇڭنى تاپالايسەن ،
دۇنيا ئۆزى بىر يازغۇچى .» سەنچۇ ؟! « نادىر ئەسەر »!!
ئاستا-ئاستا چوڭ بولدۇم مەن ئانچە-مۇنچە پۇل تاپتىم ،
ئون نەچچە يىل جاھان كىزىپ تىك ماڭغۇدەك يول تاپتىم .
دەردىمگە دەرمان بولغۇدەك مۇھەببەتلىك قول تاپتىم ،
پۇل بار ، يول بار شۇڭىلاشقا نۇرغۇنلىغان دوست تاپتىم .
تىجارەتكە كىرىشتىم مەن پۈتۈن كۈچۈم بىلەن تىرىشتىم ،
تىرىشچانلىق بىكارغا كەتمىدى ئەجرىمگە چۇشلۇق ئېرىشتىم .
قاچالمايمىز قېرىشتىن ھەم قەبرە ئالدىغا بېرىشتىن ،
تۇرمۇش گويا بىر مۇسابىقە بۆلەك تاللاش يوق يېڭىشتىن !
ئەپسۇس ،، ھەي …
ياخشى كۈنلەر ئۇزاققا بارماي تىجارىتىم ۋەيران بولدى ،
ئەتراپىمدىكى نۇرغۇن كىشىلەر بۇنى ئاڭلاپ ھەيران بولدى .
دوستلۇرۇمغا كۈلكە بولسا دۈشمىنىمگە بايرام بولدى ،
سۆيگۈنۈمنىڭ مېنى تاشلاپ كەتكەن يىرى سايرام بولدى !
قولۇمدا تاماكا ئاغزىمدا ئىس ! كۈنۈم ئۆتىدۇ قاۋاقتا ،
مەي دىگەننى ۋۇسۇڭ كەبى ئىچتىم ئاپقۇر ، تاۋاقتا .
كەچ كىرگەندە سەتەڭلەر بىلەن قولتۇقلىشىپ ياتاققا ،
ئاتا-ئانامنىڭ يۈزىنى تۆكۈپ قالدىم يامان ئاتاققا !!
Hook 2 :
ئاتا-ئاناڭ ھاياتىڭدا ئەڭ ئۇلۇغ قەھرىمانلار ،
يىنىڭدا بولسا ئىللىق تۇيۇلار سوغۇق قىش قەھرىتانلار .
ئۆمرۈڭلار ئۇزۇن بولسۇن مۈكچەيگەن قەدىردانلار ،
ئەتراپىڭغا نەزەر سالساڭ كۆپتۇر بىزدەك سەرگەردانلار .
مانا مەن كوچىدىن كەلگەن جەمىيەتنىڭ بالىسى ،
ئاڭلىغىنىڭلار بىر يىتىمنىڭ ھەسرەتلىك نالىسى .
بۇرۇن ئىدىم مەنمۇ جان ئانامنىڭ يۈرەك پارىسى ،
ھازىر بولدۇم دادامنىڭ ئەمەس داشقاللارنىڭ ۋارىسى !
خاتىمە :
_« پاكىز تەپەككۇر ، پاسكىنا تەسەۋۋۇردىن قۇتۇلۇشنىڭ پاراسەتلىك چارىسى »........
قەلەمدە : _ رىتسار ( چەۋەنداز )
2021-يىلى 11-ئاينىڭ 14-كۈنى ، سەھەر .
热门歌手
Yitim Nalisi其它版本下载
RiTSAR,Tar Kocha热门歌曲下载
其他人正在下载的歌