搜索历史
热门搜索
电影
00:00/00:00
下载地址
https://www.xzmp3.com/down/6062ef53c8e1.mp3
点击复制
作词 : 无
作曲 : 无
རི་རྒྱུད་ཅིག་གི་ཕར་ན་ཁྱེད་རང་ཡོད།
ཚིག་དབྱངས། རྡོ་རྗེ་བཀྲ་ཤིས།
ཧེ་་་་
སིམ་སིམ་ཆར་བ་དགུང་ནས་བབས།
རླུང་གིས་བསིལ་བསིལ་གདོང་ལ་བྱུགས།
སྤང་ཐང་་་་
སྤང་ཐང་མེ་ཏོག་སྣ་བརྒྱ་བཞད།
དྲི་བསུང་གྱ་གྱུར་སྣ་བར་འཐུལ།
ངས་་་་་་
མཛེས་ལྗོངས་ཡོངས་ནི་མཐོང་མ་བྱུང་།
དྲན་པར་ཁྱེད་ཀྱི་ཞལ་རིས་གསལ།
སེམས་པར་་་་་་
ཡོངས་སུ་དྲི་བས་ཁེངས་ ཁྱེད་རང་
ད་ལྟ་ཕྱག་ལས་གང་ལ་བྲེལ།
རི་རྒྱུད་ཅིག་གི་ཕར་ན་ཁྱེད་རང་ཡོད།
རྒྱང་རིང་གནས་ན་ཡོད།
ད་ལྟ་ཕྱུགས་རྫིའི་ལས་ལ་བྲེལ་ཡང་སྲིད།
འབྲོག་པའི་བུ་མོ། ལས་བཟང་ན་
དགུང་སྔོན་གཅིག་གི་འོག་ནས།
མཁའ་དབུགས་གཅིག་ལ་ཁྱེད་དང་མཉམ་དུ་འབྱིན་རྔུབ་བྱེད་ཀྱང་སྲིད།
ལྟད་མོ་་་་་་
འཇིག་རྟེན་སྒྱུ་མའི་ལྟད་མོ་བགྲང་མི་ལང་།
གཡོ་མེད་སེམས་ཀྱིས་རྒྱང་དུ་བཀག
དབང་མེད་་་་་་
ངོ་མཚར་ཁྱེད་ཀྱི་ལྟད་མོ་སེམས་ལ་ཟུག
དུས་ཡུལ་རིང་བས་འགོག་མ་ནུས།
ངས་་་་་་
ཁྱེད་ཉིད་དྲན་ཚེ་སེམས་པར་སྒྲིབ་པའི་སྐྱོ་བའི་སྤྲིན་བྲལ་སྤྲོ་བའི་ཀུན་གསལ་ནམ་མཁའ་དྭངས་ཤིང་གསལ།
ངས་་་་་་
ཁྱེད་རང་དྲན་པའི་སེམས་ཀྱི་ཚོར་བ་གཉིས་མེད་མཚོན་བྱེད་ཉི་མ་སེར་པོ་མཁའ་ན་ཚ་ཟེར་ཟེར།
རི་རྒྱུད་ཅིག་གི་ཕར་ན་ཁྱེད་རང་ཡོད།
རྒྱང་རིང་གནས་ན་ཡོད།
ད་ལྟ་ཕྱུགས་རྫིའི་ལས་ལ་བྲེལ་ཡང་སྲིད།
འབྲོག་པའི་བུ་མོ། ལས་བཟང་ན་
དགུང་སྔོན་གཅིག་གི་འོག་ནས།
མཁའ་དབུགས་གཅིག་ལ་ཁྱེད་དང་མཉམ་དུ་འབྱིན་རྔུབ་བྱེད་ཀྱང་སྲིད།
ཧེ་་་་
རི་རྒྱུད་ཅིག་གི་ཕར་ན་ཁྱེད་རང་ཡོད།
རྒྱང་རིང་གནས་ན་ཡོད།
ད་ལྟ་ཕྱུགས་རྫིའི་ལས་ལ་བྲེལ་ཡང་སྲིད།
འབྲོག་པའི་བུ་མོ། ལས་བཟང་ན་
ཁང་ཁྱིམ་གཅིག་གི་ནང་ནས།
མི་ཚེ་གཅིག་ལ་ཁྱེད་དང་མཉམ་དུ་བདེ་སྐྱིད་རོལ་ཡང་སྲིད།
དཱ་ར་ར་་་་་་ དཱ་ར་ར་་་་་་
དཱ་ར་ར་་་་་་ དཱ་ར་ར་་་་་་
ཡིན་ཡང་འདི་འདྲའི་བདེ་སྐྱིད་སྟོང་བསམ་ཡིན་པ་ངས་ཀྱང་ཤེས།