搜索历史
热门搜索
电影
00:00/00:00
下载地址
https://www.xzmp3.com/down/f31d5a199741.mp3
点击复制
作曲 : 热萨尔-觉吾加/丹贝尖参
རྒྱུད་ཆགས་གངས་ཀྱི་རི་བོ་སྤྲིན་ལ་ཟུག །
དབྱངས་ལྡན་འདབས་ཆགས་སྟོང་གི་གྲེ་འགྱུར་སྤྲོ། །
བྲེ་སེར་འབྲོང་ཁྱིས་རྫ་ལམ་བར་མེད་བཀང་། །
ཀཱི་བསོ་སྨུག་སྤྲིན་བར་ནས་རྨ་ཆེན་གསོལ། །
རྨ་སྨད་མཐོན་པོ་སྒང་དྲུག་རྣམ་པར་བརྗིད། །
མཁའ་ལམ་སྒྱུ་སྐར་འོད་དུ་འབར་བ་ལེགས། །
དཀར་ནག་ཕྱུག་གི་ཕྱཱ་གཡང་རབ་འཕེལ་བའི། །
དབེན་གཙང་སྡེ་མཐུན་རྨ་ཡུལ་གསེར་མོའི་ལྗོངས། །
སྐུ་མཁར་སེང་འབྲུག་སྟག་རྩེའི་རྒྱ་ཕིབས་མཐོ། །
སྐྱེས་ཆེན་དཔའ་ཐུལ་སུམ་ཅུའི་རང་མདངས་མངའ། །
སྲིད་གསུམ་ཁྱོན་ལ་གནོན་པའི་དཔའ་ངར་གྱིས། །
རྨད་བྱུང་ནོར་གྱི་ཕོ་བྲང་རྒྱལ་བསྟན་པར་ཤོག །
སྐྱ་རེངས་མཚོ་ཆེན་མཐོན་མཐིང་མཁའ་དང་འདྲ། །
དལ་བབས་རྨ་ཀླུང་གཱང་གའི་ཁྱོན་ལ་སྲིངས། །
ཁ་དཀར་རྐྱང་ཁྱའི་རྨིག་སྒྲས་ས་གཞི་འདར། །
རྩེ་ལྷ་བཅུ་གསུམ་འཁོར་སྲུང་མཆོད་ལྷ་བསྟོད། །
ནགས་མའི་སྐྱེལ་ཚལ་གཡུ་ལོ་མགོ་ལྕོག་ལྡེམ།།
རི་ཆུ་ནགས་གསུམ་རང་བྱུང་ལྷུན་གྱིས་གྲུབ།།
འདབ་ལྡན་པདྨའི་བསུང་ངུར་ལྷུར་ལེན་པའི།།
སྭ་ལའི་སྨན་ལྗོངས་སྐྱིད་པའི་དོ་ར་ཡག།
ཤར་གྱི་གཉན་པོ་གཡུ་རྩེའི་དབུ་འཕངས་མཐོ། །
སྒོ་སྲུང་རྫ་ཡི་གསེར་ཁྲབ་མཐུ་རྩལ་མངའ། །
ཕོ་ལྷ་བཙན་པོའི་དབང་ཐང་རབ་མཐོ་བའི།།
འབུམ་པ་གསུམ་གྱི་མི་རབས་དཔའ་བོའི་རྒྱུད། །