搜索历史
热门搜索
电影
00:00/00:00
下载地址
https://www.xzmp3.com/down/9d03d848019c.mp3
点击复制
作词 : SHHZ慑魂紫
作曲 : Mobb Deep
རང་ཉིད་འཇིག་རྟེན་ཁམས་འདི་སྐྱེ་ནས་གསོན་ནས་ལོ་ཉི་ཤུ་རྩ་བརྒྱད་
དཀོན་མཆོག་གསུམ་པོའི་རྗེས་སུ་འབྲང་ནས་དད་ནས་ལོ་ཉི་ཤུ་རྩ་བརྒྱད
རང་ཉིད་དགའ་ཕྱོགས་ཆེད་ལ་འབད་ནས་བརྩོན་ནས་ལོ་ཉི་ཤུ་རྩ་བརྒྱད་
གཞས་མ་གཏམ་གྱི་དུག་ཕོག་ལ་དགའ་ནས་ཉན་ནས་ཡང་ལོ་ཉི་ཤུ་རྩ་བརྒྱད
ང་རང་ཆུང་དུས་ལོ་ངོ་བདུན་གྱི་སྐབས།
སྐུ་ཕྲེང་གོང་མའི་ཡང་སྲིད་དུ་ཐུགས་བརྟག་བཅད།
དེ་ལྟར་གངས་ཅན་བོད་ཀྱི།
ཆོས་རིག་གཉིས་ཀྱི་ལྟེ་བ།
མདོ་སྔགས་གཉིས་ཀྱི་ཕ་ས།
ཀུན་མཁྱེན་བླ་མའི་གདན་ས།
བླ་བྲང་བཀྲ་ཤིས་འཁྱིལ་དུ་ཆོས་ཞུགས་བྱས།
ཆོས་དང་རིག་པའི་གནས་ལ་མ་སྦྱངས་ན་གཞན་གྱི་སྣང་ངོར་མི་མཛེས།
ཡིན་ན་འང་། གཞན་ལ་ཕན་མ་ཐོགས་ཀྱང་གནོད་མི་སྐྱེལ་བའི་གནས་ལུགས་དེ་
ངས་སྔོན་ནས་རྟོགས་ཡོད། སྔོན་ནས་ཤེས་ཡོད།
རང་ཉིད་ཀྱི་མི་ཚེའི་ཁ་ཕྱོགས་དང་འགན་འཁྲི་ལྕི་མོ།
མི་ཐེག་ཀྱང་དྲུད་ནས་ཡོང་། མི་དགའ་ཡང་འཐམ་ནས་ཡོང་།
ཡིན་ན་འང་། གཞན་གྱི་རེ་བ་ཆེན་པོ་བཅངས་ན་དེ་ཡི་ཆེད་དུ་སྡུག་བསྔལ་མྱོང་འོས་པ་
ངས་སྔོན་ནས་ཤེས་ཡོད། སྔོན་ནས་རྟོགས་ཡོད།
ཡིན་ན་ཡང་། བདེ་སྐྱིད་ནི་རང་དབང་གི་འབྲས་བུ་དང་།
རང་དབང་ནི་དགའ་ཕྱོགས་ལ་དབང་བའི་དུས་ཚོད་ཡིན་པ་ངས་སྔོན་ནས་རྟོགས་ཡོད།
ཕོ་ལོ་བཅོ་བརྒྱད་སོན་པའི་དུས་ནས་བཟུང་།
ཟོས་ཀྱང་བརྒྱགས་རྒྱུ་མེད་པ། འཐུང་ཡང་ངོམ་རྒྱུ་མེད་པ།
སྣང་ཡང་སྟོང་བ་ཡིན་པ། འཕྲད་ཀྱང་རེག་རྒྱུ་མེད་པ།
ང་ཡི་རྨི་ལམ་གྱི་དགའ་མ་སྟེ། གཞས་མ་གཏམ་ལ་འཕྲད།
དེ་ཡིས་རང་གི་གཤིས་ཀ་ངོ་མའི་བཟང་ངན་ཕྱི་རུ་མངོན་དུ་བཅུག
དེ་ཡིས་རང་གི་ལྷད་མེད་བརྩེ་བའི་ངོ་བོ་ལྷང་ལ་འཕུད་དུ་བཅུག
དེ་ཡིས་རང་གི་ཕུགས་འདུན་ཟབ་མོའི་རྨི་ལམ་མངོན་དུ་འགྱུར་དུ་བཅུག
དེ་ནི་ཁ་ལག་ལྟག་སྤྲོད་མིན་པ། མངོན་ལྐོག་རྒྱབ་མདུན་མེད་པ།
ཁ་སེམས་སོ་སོ་མིན་པ། བདེན་དོན་གྱི་གནས་ལུགས་དང་མཐུན།
ང་ཡི་རྨི་ལམ་གྱི་དགའ་མ་སྟེ། གཞས་མ་གཏམ།
ང་ཡི་འགྲོ་འཆག་ཉལ་འདུག་གི་རྣམ་ཤེས་སྟེ།
ལོ་འདི་ཉིས་སྟོང་བཅོ་བརྒྱད། ང་ནི་ཕོ་ལོ་ཉི་ཤུ་རྩ་བརྒྱད།
གཞན་གྱི་མིག་ལ་ང་ནི་རིག་འཚོ་མ་ཟིན་པའི་མི་ཞིག་དང་མཚུངས།
གཞན་གྱི་སྣང་ངོར་གཞས་མ་གཏམ་ནི་སྐྱུག་བྲོ་བའི་ཟས་དང་མཚུངས།
གཞན་གྱི་སེམས་ལ་Rapper ནི་དྲང་བདེན་རྩོད་པའི་བཟི་བོ་དང་འདྲ།
གཞས་མ་གཏམ་གྱིས་མི་སེམས་ལ་བསྐྲུན་པའི་ཤུགས་རྐྱེན།
རིག་གནས་དེ་ཡིས་བསྐྱེད་པའི་ནུས་པ། མི་ཚེའི་ལྟ་ཚུལ་གསར་བ།
འཚོ་བའི་ཁ་ཕྱོགས་ངོ་མ། ང་ཚོ་རྗེས་ལུས་ཡིན་པས།
ཧ་མི་གོ ཆ་མི་འཚལ། རྒྱུས་མི་ལོན།
འོན་ཀྱང་ང་ལ་མཚོན་ན།
གཞས་མ་གཏམ་ནི་རང་ཉིད་དང་དགའ་ཕྱོགས་མཐུན་པའི་ལྷད་མེད་གྲོགས་མཆོག
གཞས་མ་གཏམ་ནི་རང་ཉིད་དང་འགྲོ་ཕྱོགས་མཐུན་པའི་གྲིབ་མ་ནག་རིལ།
འདི་ནི་ང་ཡི་ཕྱིར་དྲན་གྱི་རིན་ཐང་ཡིན།
འདི་ནི་ང་ཡི་མདུན་སྐྱོད་ཀྱི་སྤོབས་པ་ཡིན།
འདི་ནི་ང་ཚོ་ཡི། ལྟ་ཚུལ་གསར་བ།
འདི་ནི་ང་ཚོ་ཡི། བསམ་བློ་གསར་བ།
བཟང་བོའི་བསླབ་བྱ་ཉམས་དམས་སུ་འགྲོ་བའི་དུས་འདིར།
བཟང་ངན་གྱི་རྣམ་དབྱེ་དང་། བླང་དོར་གྱི་རྣམ་བཞག་ཕར་ཞོག
ཐ་ན་་རང་ཉིད་ཀྱི་དགའ་ཕྱོགས་དང་རྨི་ལམ་ལ་དོ་སྣང་ཙམ་ཡང་བྱས་མ་མྱོང་བའི་མི་འཁྱམ་སྐོར་ཞིག་གིས།
ཐ་ན་་རང་ཉིད་ཀྱི་ཁོར་ཡུག་དང་ཁོར་ཡུག་དེའི་འགན་འཁྲི་ཙམ་ཡང་བརྩོན་ལེན་བྱེད་མ་མྱོང་བའི་དྲྭ་འབུ་སྐོར་ཞིག་གིས།
ཁྲོན་པའི་ནང་གི་སྦལ་བ་བཞིན།
སྤྲིན་པའི་གསེབ་ཀྱི་ཉི་འོད་བཞིན།
ཁོར་ཡུག་གི་ནམ་མཁའ་ཙམ་མ་གཏོགས་མི་མཐོང་མོད།
ད་དུང་་གནས་ལུགས་ལ་རྡོག་རྫི་བཏང་ནས།
རང་གཤིས་བརྟན་པོ་བོར་ནས།
མགོ་འཕང་མཐོན་པོར་བཏེགས་ནས།
ཀུ་ཅོ་སྣ་ཚོགས་སྒྲོག་པ་ནི།
ཅི་འདྲའི་སྙིང་རེ་རྗེ།
ཅི་འདྲའི་ཡིད་རེ་སྐྱོ།
ཡོད་ཚད་བློས་གཏོང་ཕོད་པ་ནི་ཁེར་རྐྱང་གི་འཚོ་བའི་ཆེད་དུ་མིན།
མི་ཚེ་ཐོས་པར་གཞོལ་བའི་སློབ་གཉེར་བའི་སྤོབས་པ་ནི་ཁྱེད་ཀྱིས་ཨེ་མཐོང་།
སྐུ་ཚེ་ ཆོས་ལ་བསྟིམ་པའི་རྣལ་འབྱོར་བའི་རྟོགས་པ་ནི་ཁྱེད་ཀྱིས་ཨེ་ཤེས།
མི་རིག་མོ། མི་ཤེསམོ།
དམྱལ་ཁམས་མིག་གིས་མ་མཐོང་བ་ནི་དམྱལ་ཁམས་མེད་སོང་བ་འུ་རེད་་
ཕྱིར་ལྟག་མིག་གིས་མ་མཐོང་བ་ནི་ཕྱིར་ལྟག་མེད་སོང་བ་འུ་རེད་་ཤ་ཁྲག་གཅིག་པའི་སྤུན་ཟླ་ཚོ།
ལས་དབང་མཐུན་པའི་གྲོགས་པོ་ཚོ།
འགྲན་རྩོད་ཆེ་བའི་དུས་འདིར།
ང་ཚོས་ཕན་ཚུན་ལ་ཕྲག་དོག་དང་ལེ་བདའ་བྱས་ནས་ཅི་བྱ།
ང་ཚོས་ཕན་ཚུན་ལ་མགོ་སྐོར་དང་བསླུ་བྲིད་བྱས་ནས་ཅི་བྱ།
ང་ཚོ་དཔུང་བ་མཉམ་གཤིབ་དང་།
ང་ཚོ་ལག་རྡང་མཉམ་སྦྲེལ་སྒོས།
མདུན་དུ་བསྐྱོད། མདུན་དུ་བསྐྱོད་པར་བྱ།
ལོ་འདི་ཉིས་སྟོང་བཅོ་བརྒྱད། ང་ནི་ཕོ་ལོ་ཉི་ཤུ་རྩ་བརྒྱད།
热门歌手
2018.28其它版本下载
SHHZ慑魂紫热门歌曲下载