搜索历史
热门搜索
电影
00:00/00:00
下载地址
https://www.xzmp3.com/down/6e2797851f68.mp3
点击复制
作词 : 岗尖土登扎西
作曲 : 才让东珠
编曲 : 谢尔巴
གཡང་གི་ཁ་འཛིན།
ཚིག གངས་རྒྱུད་ཐུབ་བསྟན་བཀྲ་ཤིས།
དབྱངས། ཚེ་རིང་དོན་གྲུབ།
ལེན་མཁན། ཚེ་རིང་དོན་གྲུབ།
ལྷ་ཡི་ལྕམ་མོའི་རི་ལ་འབྲི་བརྒྱ་འཁོར།།
འབྲི་བརྒྱ་ལྷས་ལ་འཛོམས་པའི་སྨན་ཆུང་ཡག།
སྨན་ཆུང་ངག་གི་འབྲི་མོའི་བཞོ་དབྱངས་སྙན།།
ཤུག་དམར་བཞོ་ཟེའུ་དུང་གི་འོ་མས་གང་།།
ལྷ་ཡི་ལྕ་མོའི་རི་ལ་འབྲི་བརྒྱ་འཁོར།།
བེའུ་བརྒྱ་རྡང་ལ་འདོགས་པའི་སྨན་ཆུང་ཡག།
སྨན་ཆུང་སྦྲ་ནག་ནང་གི་གཡང་འཛིན་མ།།
གཡང་ཁྱིམ་སྨུག་པོ་དཀར་གསུམ་བཅུད་ཀྱིས་ཕྱུག།
བུ་མོ་གཡང་གི་རུ་མ།།
གཡང་འབྲི་དཀར་མོའི་བདག་མོ།།
གཡང་ལ་གཡང་ར་གྲུ་བཞི།།
རོག་རོག་ནོར་གྱིས་གང་སོང་།།
གཡང་འཛིན་ན་ཆུང་བུ་མོ།།
ལྷ་ཡི་ལྕམ་མོའི་མདོ་ལ་རྟ་བརྒྱ་འཁོར།།
རྟ་བརྒྱ་སྤང་ལ་འཁོར་བའི་སྟག་ཤར་སྐྱིད།།
བང་ཁ་རྩལ་གྱིས་གང་བའི་དགའ་བ་ལ།།
འཚེར་སྐད་རི་ལ་ཁྱབ་དུས་སྐྱིད་པ་ལ།།
ལྷ་ཡི་ལྕམ་མོའི་མདོ་ལ་རྟ་བརྒྱ་འཁོར།།
རྟ་བརྒྱ་སྤང་ལ་འཁོར་བའི་སྟག་ཤར་སྐྱིད།།
ཀི་བསྭོའི་རང་སྒྲ་སྒྲོག་པའི་རྟེན་འབྲེལ་ཡག།
སྐུ་བསོད་ཀླུང་རྟ་རྒྱས་པའི་དཔུང་རྒྱན་རེད།།
སྟག་ཤར་རྟ་བརྒྱའི་ཁ་འཛིན།།
གྱོ་རྒྱ་གཡུ་ལོའི་བདག་པོ།།
གཡང་ལ་གཡང་ར་གྲུ་བཞི།།
ཁམ་པ་རྟ་ཡིས་གང་སོང་།།
སྟག་ཤར་ཚེ་རིང་ལོ་བརྒྱ།།
སྟག་ཤར་རྟ་བརྒྱའི་ཁ་འཛིན།།
གྱོ་རྒྱ་གཡུ་ལོའི་བདག་པོ།།
གཡང་ལ་གཡང་ར་གྲུ་བཞི།།
ཁམ་པ་རྟ་ཡིས་གང་སོང་།།
སྟག་ཤར་ཚེ་རིང་ལོ་བརྒྱ།།
སྟག་ཤར་ཚེ་རིང་ལོ་བརྒྱ།།