搜索历史
热门搜索
电影
00:00/00:00
下载地址
https://www.xzmp3.com/down/3bcafa300fb2.mp3
点击复制
作曲 : Hamish Henderson
John MacLean's March
Lyric: Hamish Henderson
Hey, mac, did ye see him as he cam' doun by Gorgie
Awa ower the Lammerlaw an' north o' the Tay?
Yon man is comin' an the hail toun is turnin' oot
We're aa' shair he'll win back tae Glesca the day
The jiners an hauders-on are merchin' fae Clydebank
Come on nou an' hear him he'll be ower thrang tae bide
Turn oot Jock an' Jimmie, leave yer cranes an' yer muckle gantries
Great John MacLean's comin' hame tae the Clyde
Argyll St. and London Road's the route that we're merchin'
The lads frae the Broomielaw are here, tae a man!
Hey Neil, whaur's yer hauderums, ye big Heilan teuchtar
Get yer pipes, mate, an' merch at the heid o' the clan!
Hullo, Pat Malone, shair A knew ye'd be here, son,
The red an' the green, my lads, we'll wear side by side
Gorbals is his the day an Glesca belangs tae him
Nou great John MacLean's comin hame tae the Clyde
Forward tae Glesca Green we'll merchin' guid order
Will grips his banner weill, that boy isnae blate!
Aye, weill, man, thair's Johnnie nou, that's him thair the bonnie fechter
Lenin's his feir, Mac, and Liebknecht's his mate
But tak tent whan he's speakin' for thae'll mind whit he said here
In Glesca, oor city, an' the hail warl besides
Och hey, lad, the scarlet's bonnie, here's tae ye Heilan Shonie
Oor John MacLean's has come hame tae the Clyde
Aye weill, when it's feenisht A'll awa back tae Springburn
Come hame tae yer tea, John, we'll sune hae ye fed
It's hard wark the speakin, och, A'm shair he'll be tired the nicht
A'll sleep on the flair, mac, an gie John the bed
The hail city's quiet noo, it kens that he's restin
At hame wi's Glesca freens, thair fame an thair pride
The red will be worn, ma lads, an Scotlan will rise again
Noo great John MacLean' s comein' hame tae the Clyde
Aye Great John MacLean has come hame tae the Clyde
热门歌手
The John Maclean March其它版本下载