搜索历史
热门搜索
电影
00:00/00:00
下载地址
https://www.xzmp3.com/down/38d2978f27ff.mp3
点击复制
作词 : DP
作曲 : Michael Popp
Nû alrêst lebe ich mir werde
Sît mîn sündic ouge siht
Daz here lant und ouch die erde
Der man sô vil êren giht
Ez ist geschehen, des ich ie bat
Ich bin komen an die stat
Dâ got menischlîchen trat
Schœinu lant, rîch unde hêre
Swaz ich der noch hân gesehen
Sô bist dûz ir aller êre
Waz ist wunders hie geschehen!
Daz ein magt ein kint gebar
Hêre über aller engel schar
Was daz niht ein wunder gar?
Hie liez er sich reine toufen
Daz der mensche reine sî
Dô liez er sich hie verkoufen
Daz wir eigen wurden frî
Anders wæren wir verlorn
Wol dir, sper, kriuze unde dorn!
Wê dir, heiden, daz ist dir zorn!
Hinnen fuor der sun zer helle
Von dem grabe, dâ er inne lac
Des was ie der vater geselle
Und der geist, den nieman mac
Sunder scheiden: êst al ein
Sleht und ebener danne ein zein
Als er Abrahâme erschein
In diz lant hât er gesprochen
Einen angeslîchen tac
Dâ diu witwe wirt gerochen
Und der weise klagen mac
Und der arme den gewalt
Der dâ wirt an ime gestalt
Wol ime dort, der hie vergalt
热门歌手
Palästinalied其它版本下载
Estampie热门歌曲下载