搜索历史
热门搜索
电影
00:00/00:00
下载地址
https://www.xzmp3.com/down/2f9c3f575fbc.mp3
点击复制
作词 : 岗宁
作曲 : 让兄多杰
ཨ་མཚར་གཞོན་པའི་སེམས་པ།
མཁའ་མཐའི་སྤྲིན་དཀར་ཕོན་པོ།
རི་ཆུ་རྡོག་པས་བརྫི་བཞིན།
མི་ཡུལ་སྡེ་མཐར་སླེབས་སོང་།
དེ་སྔོན་དེ་སྔོན། ཕ་ཡུལ་གྱི་ནེའུ་གསིང་འཇམ་ཞིང་མཉེན།
ཁྲ་ཚོམ་མེ་ཏོག་ལྡེམ་ལྡེམ། བུང་བའི་གླུ་དབྱངས་ཀྱུར་ཀྱུར།
བེའུ་རྫིའི་རྐང་ཆུང་གསེར་མིག་ཉ་མོས་འཁྱུད།
ཆུ་མོ་རླབས་ཕྲེང་ཀྲིག་ཀྲི་ཉི་མའི་ལྡོག་འོད་ཆེམ་ཆེམ།
ད་ཆ་ང་རང་ཞོགས་པའི་འུར་ཟིང་གི་བཞི་མདོར་འགྲེང་སྟེ།
ཉོན་མོངས་གོས་ཀྱིས་སྒྲིབ་ཅིང་།རེ་དོགས་ཁོག་ལ་སྦ་བཞིན།
ཁ་སང་གི་ལས་སྣ་མ་འགྲུབ་པར་སེམས་ཚེགས་ཆེ།
མི་ཚོགས་ཆུ་སྣ་རྡོལ་རྡོལ།
འཁོར་ལོ་ཤྭ་འོད་རྒྱུག་རྒྱུག།
གྲོང་ཁྱེར་གྱི་བཞི་མདོ་འདི་རུ་མགོ་བོ་བཏེགས་ཏེ།
བར་སྣང་གི་སྤྲིན་ཕུང་ཞིག་ལ་འཁྲེང་ཞིང་རེ།
ཨ་མཚར་གཞོན་པའི་སེམས་པ།
གཤོག་ཐོགས་ཐང་དཀར་རྒོད་པོ།
ལ་ལུང་གོམ་པས་གཏུབ་བཞིན།
རྒྱུས་མེད་ས་མཐར་སླེབས་སོང་།
དེ་སྔོན་དེ་སྔོན། ཕ་ཡུལ་གྱི་རུ་སྡེ་ལྷིང་ཞིང་འཇགས།
ཕ་ཁུ་ཁ་ཞག་ཀྱི་ལེར། ཕུ་ནུ་ཁུ་ཞག་ལྡེམ་མེར།
གཅེས་ལོའི་ལག་ཆུང་ཕ་མའི་པང་ན་གཡུག།
ཕ་མ་འཛུམ་མདངས་ཤིག་ཤིག་མིང་སྲིང་དགོད་སྒྲ་ལྷང་ལྷང་།
ད་ཆ་ང་རང་།དགོང་ཁའི་བསླུ་བྲིད་ཀྱི་བཞི་མདོར་བགྲེང་སྟེ།
དར་རྒུད་འཛུམ་གྱིས་སྒྲིབ་ཅིང་།སྐྱིད་སྡུག་ཁོག་ལ་སྦ་བཞིན།
སང་ཉིན་གྱི་ལམ་སྣ་མ་ཟིན་པར་གནོན་ཤུགས་ཆེ།
ཁང་རྩེག་ཉིས་སྦྲེལ་སུམ་སྦྲེལ།
གློག་འོད་ཁྲ་ཆིལ་སྦི་ཆིལ།
གྲོང་ཁྱེར་གྱི་བཞི་མདོ་འདི་རུ་མགོ་བོ་སྨད་དེ།
བྱང་རྒྱབ་ཀྱི་ནོར་ལྷས་དེ་ཉིད་དྲན་ཞིང་སྨྲེང་།