Guapparia

Scetateve guagliune 'e mala vita

Ca e 'tussecosa assai 'sta serenata

I' songo 'o nammurato 'e margarita

Ch'e 'a femmena cchiu bella da nfrascata

L'aggio purtato 'o capo cuncertino

Po sfizio 'e me fa sentere canta

M'aggio bevuto nu bicchiere 'e vino

Pecche stanotte 'a voglio tusseca

Scetateve guagliune

'E mala vita

E a luna accumparuta all'intrasatto

Pe' lle da 'o sfizio e' me vede distrutto

Pe' chello ca 'sta femmena m'ha fatto

Vurria ca 'a luna se vestesse 'e lutto

Quanno se ne venette a' parte mia

Ero 'o cchiu guappo 'e vascio 'a sanita

Mo c'aggio perzo tutta 'a guapparia

Cacciatemmenne a dinta suggita

Scetateve guagliune 'e mala vita

Sunate giuvino 'vuttate 'e mmane

Nun v'abbelite ca sto' buono 'e voce

I' mme fido 'e canta fino a dimane

E metto 'ncroce a chi mm'ha miso 'ncroce

Pecche nun va cchiu a tiempo 'o cuncertino

Pecche 'a chitarra nun se fa senti

Ma comme chiagne tutto cuncertino

Addo' ch'avessa chiagnere sul'i'

Chiagnono sti guagliune 'e malavita