庵遇

唉 老姑姑都已经月前死去

呢个新黎嘅主持

佢都未识得帝女花飘

更末解怜香惜玉

当此快雪初晴

便命我把山柴拾取 唉

正是不求乐昌圆破镜

只凭魂梦哭皇陵

世显：

我飘零犹似断蓬船

惨淡更如无家犬

哭此日山河易主

痛先帝白练无情

歌罢酒筵空

梦断巫山凤

雪肤花貌化游魂

玉砌珠帘皆血影

幸有涕泪哭茶庵

愧无青冢祭芳魂

落花已随波浪去

不复有粉剩脂零

冷冷雪蝶寻梅岭

曲中弦断香销劫后城

此日红阁有谁个悼崇祯

我灯昏梦醒哭祭茶亭

钗分玉碎想殉身归幽冥

帝后遗骸谁愿领

碧血积荒径

长平：

雪中燕已是埋名和换姓

今生长愿拜观音扫银瓶

世显白：

哎呀

点解呢位道姑

咁似已死嘅长平宫主嘅呢吓

莫不是宫主佢幽魂现眼

唔会呀 就算宫主幽魂现眼

都唔会系道姑打扮㗎

啊 莫不是宫主

佢假托夭亡避世 尚在人间

啊 我记得了

我记得宫主夭亡之日

乃是我殉爱之时

周家瑞兰 曾经有一句双关的说话

佢说有缘生死能相会

无情对面不相逢

莫不是有跷蹊在内

待我扣门一问至得

呢处系清莲界庵堂地

我要稍存礼貌 都未敢造次

师傅 开门

长平白：

唉呀

世显白：

哎呀 点解佢闭门不纳

事更可疑

待我冲门而进至得

长平白：

请问呢位施主冲门

系借茶还是系拜神呀

世显白：

师傅 我一不是借茶

二不是拜佛

我有一句话

想求师傅你点化啫

你何以闭门不纳呢

长平白：

额 庵内无人

主持未返

俗世男女都尚且授受不亲

又何况系佛门清净地呢

世显白：

哦 如此 师傅有礼

长平白：

施主有礼

世显白：

师傅 你是一个出家人

容我问一句尘俗话

所谓劫火余生 仿同隔世

虽则难记兴亡事

花月总留痕

我和道姑 好似似曾相识咁

望你把前尘细认啫

长平白：

哎呀 施主

想贫道半世清修

都未经劫火

世外人 十年来只知敲经念佛

几曾沾染过俗世风情

世显白：

师傅 出家人讲清修

我地俗世人讲俗话

所以俗语有话

山居方一日 世上已千年

你所谓十载敲经

莫不是比喻一年念佛啫卦

照我睇道姑你 你守戒清修

最多都不过是一年光景

长平白：

哎呀 施主 照我看你是一个读书人

似乎说话不应该讲的咁轻薄

贫道入庵十年 尚有主持可证

须知不是可怜人 都不入清规地

既入清规地 出语宁有不诚呢

世显白：

师傅 我不是伤心人

都不作伤心语

既是伤心人

才有错把坛花当作宫花认啫

长平白：

哦 施主 原来你吾是一个轻薄儿

却是一个沧桑客

咁好啦 等我翻入去代你烧多柱香

望观音大士佢驰航普道

保佑您福寿康宁啦啊

世显白：

咁多谢晒 师傅

我好应该长拜佛门慈悲嘅

一问道姑你贵姓呀

长平白：

呀

贫道俗身姓沈 法号慧清呀

世显白：

你叫做慧清呀

长平白：

系

世显：

飘渺间往事如梦情难认

百劫重逢缘何埋旧姓

夫妻断了情

唉鸳鸯已定

烽烟已靖

我偷偷相试佢未吐真情令我惊

长平：

天折红颜命

我愿弃凡尘伴红鱼和青磬

敲经断俗世情

虽则烽烟已靖

须知罡风也劲

我守身应要避世休谈爱恋经

世显：

论理佢应该要把夫婿认

复合了偷偷暗中唤句卿卿

徽妮 宫主

长平白：

呀 施主 你叫唤何人呀

世显白：

我叫唤宫主啰

长平白：

哦 宫主系施主你何人呢

世显白：

宫主系我个妻房

长平白：

吓 施主你叫唤妻房

应该在家中叫 房中叫

何解会叫到黎佛门清静地嘅呢

长平：

俗世尘缘事我唔愿听

你莫寻偶清规地

将观音两番误作湘卿

你似疯颠

我不禁失惊

暗中念句经

我今都已将剃度半生梦已醒

劝君休错认

我才十岁咋

经栖身皈依佛法一心拜神灵

世显白：

你睇吓佢咁忍心真系唔认我

啊 试问谁无骨肉之亲

谁无父女之情呢

等我讲吓先帝崇祯嘅惨事

如果佢喊亲呢

不问而知就梗系宫主㗎喇

等我试下佢至得

长平白：

点解他会来到嗝呢

世显：

我复向前朝认

叹崇祯巢破家倾

你可有为佢沉痛沉痛敲经

灵台里 叹孤清

月照泉台静

一对蜡烛也无人奉敬

哎呀 师傅 你喊喇

吾通你就系宫主

长平白：

施主 你错喇

皇帝系为我哋而死嘅

试问我哋又点可以唔喊呢

长平：

我哭故国凋零

问谁个能忘佢自缢在红阁

谢民爱甘牺牲性命

感先帝哭绝了声

世显：

深宫里有朵帝女花

佢嘅惨处你可再愿细听

长平：

哎呀

帝女花已遭劫难我不愿再听

怕荒山冷静

谁愿与君孤单相对

犯了清规玷辱了名

长平白：

施主 我知道你系一个伤心人

但可惜呢处晤系伤心地

恕贫道不能奉陪

我先行告退 阿弥陀佛

世显白：

哎呀 啊师傅

你莫慌走

我想求吓你

求你

你带我去烧香忏下旧情

长平白：

哎呀 唔得㗎

仙庵宝殿多清净

不要凡人妄敲经

莫忘形

我劝君劝君再莫染情狂病

更未许再留停

世显白：

师傅

我要你带我入去烧多炷香

你都话唔肯

你不带我 我自己去