搜索历史
热门搜索
电影
00:00/00:00
下载地址
https://www.xzmp3.com/down/27b6fa3ab744.mp3
点击复制
排陣圖喔？（是啊。）
聽妳咧講欲排陣，
我著共妳問較真，
這句我著欲問恁，
妳講欲排陣，
我這馬著挽瓜紲揫藤，
這句我著欲問恁喔！
排陣，妳…妳敢會曉？（試看覓仔！）
兩來拄兩彼个斤拄斤。
欲排陣圖予你破，
姊夫仔有學抑無學？
破阮陣圖若會倒，
身軀甘願予人挲。
OK!
若講彼个破陣我都上本事，
小停仔才來看我挲身軀，
排陣妳學有偌久矣？
照實交代恁姊夫。
若問阮才講你聽，
四歲這个五歲閣獻空城，（嘑！按呢我知。）
排陣甲舊年才知影，
六歲才造布鼓城。
哦！按呢我知。
六歲布城才學造，
研究十年差不多，
妳知影哦，我的破法上蓋好，
出手彼个布城著獻甲光科科。
哼，臭彈的！（無，來試看覓仔咧講！）
我共你講：
拄造十年交代恁，
歲食十六事是真，
你嘛真僫入內面，
布城造好圓輪輪。
妳有十年的研究，
歲食十六的因由，
嘿嘿，莫講白賊的，若予我出一个手，
妳布城獻甲光溜溜。
陣圖若是予我排四正，
較好的手段抑嘛毋驚，
也著時到才知影，
四邊予你無路通好行。
今我這馬欲破妳的陣，
著用手腕來倚身，
五虎下山迫緊緊，
我設㧒的家私予妳承，
設㧒家私予妳承。
姊夫會曉通倩五虎，
五虎引你入陣圖，
入陣你著會知苦，
你做野僧我尼姑。
陣圖排佇草山頂，
妳做尼姑我野僧，
我五虎陣中安大銃，
哎喲催迫得欲入內爿。
好膽囉！
陣我排佇草山口，
草山坑中一條溝，
武兵武將袂得到，
哎喲野僧你敢欲入內頭。
喔！抑五虎陣中安大熕，
銃子乘煞提去囊，
一粒長長那火烺，
野僧得欲來放電光。
野僧電光得欲放，
敢佮搬戲無相仝，
姊夫你真